Ai tha se Rusia po përdor armë të shkatërrimit në masë dhe se pasojat ishin të qarta.
“Ne jemi në kushte të pabarabarta për më shumë se një muaj,” tha ai, duke bërë thirrje për mbështetje ushtarake pa kufizime për të shpëtuar popullin dhe qytetet e Ukrainës.
Ai thotë se Rusia po përdor të gjithë arsenalin e saj pa kufi – duke synuar qytetet e banuara, spitalet dhe urat, shkruan BBC, transmeton teve1.info
Deri më tani Ukraina nuk ka marrë asnjë avion të vetëm, ka thënë presidenti ukrainas. Ai gjithashtu thotë se ka bërë thirrje për tanke – “na jepni, na shisni” – por ende nuk ka marrë një përgjigje të qartë për këto nga anëtarët e NATO-s.
“Ukraina nuk dëshiron të bëjë luftëra për vite dhe vite,” ka thënë ai. “Ne thjesht duam të mbijetojmë, të shpëtojmë njerëzit tanë.
Por ai thotë se nuk po fajëson NATO-n. Nuk janë raketat e tyre që shkatërrojnë qytete, shton ai. Aleanca ende mund të ndihmojë në shmangien e vdekjeve të mëtejshme duke i ofruar Ukrainës më shumë municione, thotë Zelensky.
Është çështje jete a vdekjeje, thotë ai.
