Presidenti i Ukrainës, Volodymyr Zelensky, ka akuzuar homologun e tij rus, Vladimir Putin, për mungesë vullneti dhe guximi për të dialoguar për paqen dhe ndalimin e luftës në Ukrainë, raporton Kp.
Gjatë fjalës së tij në Samitin e Komunitetit Politik Evropian që po mbahet në Tiranë, Zelensky tha se Putini kishte frikë të shkonte në Turqi për të arritur një marrëveshje paqeje.
Ai ritheksoi nevojën për mbështetje të SHBA-së për të fituar luftën ndaj Rusisë.
“Këtë javë do të ndërmerrnin disa hapa të rëndësishëm për të mbyllur luftën në rast se Putin nuk do të kishte pasur frikë të vinte në Turqi….Unë isha dje në Ankara dhe u prita nga Erdogan dhe isha i gatshëm për një takim të drejtpërdrejtë me Putinin qoftë në Ankara apo në Stamboll, jo thjesht për një takim por për të zgjidhur çështjet e rëndësishme, por ai nuk ra dakord për asgjë. Putini shihej qartë që delegacioni ishte i një niveli të ulët dhe askush prej tyre nuk mund të merrnin vendime në Rusisë. Përparësia jonë është që të ketë një armëpushim të plotë dhe të pakushtëzuar, si edhe të drejtë”, tha ai.
Kujtojmë, Komuniteti Politik Evropian është një platformë diskutimesh politike e strategjike mbi të ardhmen e Evropës, e cila u krijua në vitin dymijë e njëzet e dy.
