Presidenti i Ukrainës, Volodymyr Zelensky, ka reaguar për herë të parë në lidhje me sulmet me dron të ndërmarra nga Ukraina brenda Rusisë duke i quajtur ato një “rezultat absolutisht brilant” dhe një operacion që është “realizuar tërësisht nga Ukraina”.
Në një postim në rrjetet sociale, Zelensky shkroi “Një vit, gjashtë muaj dhe nëntë ditë nga fillimi i planifikimit deri te zbatimi efektiv. Operacioni ynë me rrezen më të gjatë deri tani. Njerëzit tanë të përfshirë në përgatitjen e këtij operacioni u tërhoqën me sukses nga territori rus në kohë”, raporton BBC
Ai shtoi se është takuar me shefin e Shërbimit të Sigurisë së Ukrainës (SBU), gjeneral Vasyl Maliuk, dhe i ka kërkuar atij të ndajë me publikun detaje dhe rezultate të këtij operacioni.
“Sigurisht, jo çdo gjë mund të zbulohet në këtë moment, por këto janë veprime ukrainase që pa dyshim do të hyjnë në librat e historisë,” theksoi ai. “Ukraina po vetëmbrohet, dhe me të drejtë – po bëjmë gjithçka që Rusia të ndjejë nevojën”, tha ai.
Zyrtarë ukrainas thanë se shkatërruan më shumë se 40 avionë luftarakë në territorin rus
