Presidenti ukrainas Volodymyr Zelensky iu referua si “bisha” ata që supozohet se i prenë kokën ushtarëve ukrainas të shfaqura në dy video që u publikuan në mediat sociale javën e kaluar.
Videot duket se janë të ngjarjeve të ndara – njëra prej tyre mund të jetë filmuar shumë kohët e fundit, ndërsa tjetra, nga sasia e gjethit që shihet në tokë, duket sikur është filmuar gjatë verës, shkruan CNN.
Videoja e parë, e cila u postua në një kanal të mediave sociale pro-ruse më 8 prill, supozohet se është filmuar nga mercenarët rusë nga grupi Ëagner dhe duket se tregon kufomat e prera të dy ushtarëve ukrainas të shtrirë në tokë pranë një automjeti ushtarak të shkatërruar. .
Në video dëgjohet një zë, pas kamerës, zëri në dukje i shtrembëruar për të parandaluar identifikimin e folësit.
Ushtarët e vdekur gjithashtu duket se u janë prerë duart.
Zelensky u zotua se ata që qëndrojnë pas mizorive të supozuara do të mbahen përgjegjës. “Ka diçka që askush në botë nuk mund ta injorojë: sa lehtë vrasin këto bisha,” tha ai në një video-mesazh.
“Nuk do të harrojmë asgjë. As vrasësit nuk do t’i falim. Për çdo gjë do të ketë përgjegjësi ligjore. Humbja e terrorit është e nevojshme”, tha ai.
