Zekaj tha se Gjykata Komerciala ka qenë një projekt që është përkrahur nga USAID-i Amerikan, përkatësisht nga Ambasada Amerikane.
Ai tha se për funksionalizimin e kësaj gjykate sipas ligjit kërkohet që minimumi të jenë 20 gjyqtarë.
“Me Ligjin që hyri në fuqi në muajin shkurt të këtij viti, faktikisht u përcaktua edhe korniza ligjore rreth Gjykatës Komerciale, ku pastaj Këshilli Gjyqësor e arriti brenda këtyre 6 muajve që edhe të bëjë funksionalizimin e të njëjtës. Gjatë kësaj periudhe kemi pasur dy konkurse kur janë pranuar gjyqtar të gjykatës së shkallës së parë dhe shkallës së dytë. Tani kemi 7 gjyqtarë në shkallën e parë dhe 4 në shkallën e dytë të cilët faktikisht janë duke u përgatitur për të silluar trajtimin e rasteve. Këtë ditë ishte edhe një konkurs i ri ku kërkohen edhe gjyqtarë shtesë për ta rrumbullakuar numrin që kërkohet sipas ligjit për Gjykatën Komerciale që është minimum 20 gjyqtarë”, tha Zekaj.
Tutje gjatë emisionit “Ditari”, Avokati tha se beson që numri prej 29 gjyqtarëve është ende i pamjaftueshëm.
“Ky numër prej 20 gjyqtarëve është ende i pamjaftueshëm.Besoj që këshilli gjyqësor duhet ta ketë parasysh që ta rrit numrin edhe më tej…”, theksoi Zekaj./Teve1.info/
