Ai tha se Lëvizja Vetëvendosje ka ardhur në pushtet duke thënë se asnjëherë nuk duhet të kemi persona të cilët kanë aktakuza në pozita të larta drejtuese, qoftë si deputetë, ministra apo pozita të tjera.
“Dhe ajo çka ndodhi më pas, pas ardhjes në pushtet pikërisht lëvizja Vetëvendosje ju ofroj pandëshkushmëri anëtarëve të vet të cilët faktikisht gjendeshin në këto pozita, qoftë deputetë, qoftë ministra. Ne kemi pasur raste të shumta kur deputet pikërisht të Lëvizjes Vetëvendosje, paradite i kemi parë në bankat e të akuzuarve, pasdite i kemi parë duke përfaqësuar interesat e qytetarëve në Kuvendin e Republikës së Kosovës dhe kjo le hije të keqe për institucionet e Republikës së Kosovës. Kemi pasur Shefen e grupit parlamentar të VV-së në Kuvendin e Kosovës e cila ka aktakuzë aktive e gjithashtu edhe ministra. Kjo faktikisht e dëmton një sistem dhe e dëmton partinë që është në pushtet duke e harruar atë narrativen e vet me të cilën ka ardhur në pushtet, duke e barazuar pozicionin e vet me të gjitha partitë politike që kanë qenë më herët në pushtet e të cilët u kanë ofruar imunitet anëtarëve të vet nëse kanë pasur aktakuza kurse kanë qenë kritike ndaj partive të tjera politike”, tha Zekaj.
I ftuar në emisionin “Info Nata”në Tëvë, Yll Zekaj nga Instituti i Kosovës për Drejtësi më tutje tha se jo vetëm në sistemin prokuroriat por dështime ka edhe në sistemin gjyqësor të Kosovës.
“Jo vetëm të sistemit prokurorial por kemi dështim edhe të sistemit gjyqësor. Ku edhe në raste të rralla kur po arrijë që t’i kemi këta persona të dyshuar që vijnë nga niveli i lartë i zyrtarëve publik pranë bankave të të akuzuarit në gjykata prapë po dështojmë që të marrin dënime meritore edhe nëse po arrijnë që të bëhen aktgjykime rastet e tyre atëherë ndëshkueshmëria po është tepër e ulët Zakonisht këtë e ka gjetur edhe raporti i Departamentit Amerikan të Shtetit që tha se shumica e aktgjykimeve për këtë nivel të lartë të zyrtarëve publik jepen me kusht apo me gjobë por ende nuk kemi aktgjykime të cilët faktikisht këta persona dënohen me burgim efektiv, dënim efektiv kemi te niveli i ultë apo niveli i mesëm i zyrtarëve publik por asnjëherë të zyrtarëve të lartë”, tha ai në Tëvë1.
