Abdullahu ka thënë se cilido qeveritar i Kosovës, i cili nuk i ka punët mirë me SHBA-në është “tucan” në politikë e sipas tij, Kurti është “tucani më i madh”.
Ai në emisionin “Ditari” në Tëvë1, tha se kjo qeveri duhet t’i begatoj raportet me SHBA-në e t’i vazhdojë kontaktet të nivelit të lartë me ta.
“Duam shumë që kjo qeveri t’i begatoj raportet tona me SHBA-në, të jetë në kontakte të vazhdueshme të nivelit të lartë siç ka qenë më herët. Kontaktet e qeverive të mëhershme kanë qenë të vazhdueshme. Njerëzve që kanë qenë kreator të SHBA-së dhe kjo ka funksionuar mirë dhe vetëm kështu mund të përballemi suksesshëm me Serbinë dhe vetëm kështu mund të jemi të guximshëm”, ka thënë Abdullahu.
Sipas tij, “tucani më i madh” është Albin Kurti sepse nuk i ka raportet çfarë i ka pasur Kosova vazhdimisht me SHBA-në.
“Nuk ka Qeveri të Kosovës e cila në raport me Serbinë mund të jetë e guximshme e të mos ketë raporte të mira dhe koordinim të punëve me shtetet e bashkuara të Amerikës. Kushdo qeveritar i Kosovës që nuk i ka punët mirë me SHBA-në është tucan në politik, dhe vazhdojë ta them se tucani më i madh në politikë sot e 1 vit është Albin Kurti, sepse nuk i ka raportet çfarë i ka pasur Kosova vazhdimisht këto vitet e fundit me SHBA-në”, tha Abdullahu. /teve1.info/
