Gjatë ditës së sotme është zbuluar shtatorja e veprimtarit Metush Krasniqi në qytetin e Kamenicës. Kjo ngjarje mblodhi qindra qytetarë ku i pranishëm ishte edhe Kryeministri i vendit Albin Kurti dhe Ministrja e Punëve të Jashtme, Donika Gërvalla. Se si shkojë e gjithë kjo ceremoni, tregon kronika në vazhdim.
Një numër i madh i qytetarëve u mblodhën të martën në Kamenicë.
Kjo për të përkujtuar veprimtarin Metush Krasniqi.
E fjalën e mori i pari kryetari i Komunës së Kamenicës, Kadri Rrahimaj.
“Metush Krasniqi nuk është thjeshte një figure historike ai është një krenari për Kamenicën…”, tha ai.
“Shtatorja e tij do të qëndrojë në mes të qytetit”.
Në këtë ceremoni mori pjesë edhe kryeministri i vendit, Albin Kurti i cili nderoi lart veprën e Metush Krasniqit.
Nën emocione, për veprimtarin foli edhe kryetari i Shoqatës së të Burgosurve, Shefik Sadiku.
E për të kujtuar fjalët e Metush Krasniqi u kujdes nipi i tij, Kushtrimi.
E krejt në fund çmimi “Metush Krasniqi” iu dhurua vajzës së tij, Teutës.
E më pas ajo së bashku me djalin e saj, kryeministrin Albin Kurti, kryetarin e komunës dhe ministren e punëve të jashtme, Donika Gërvalla zbuluan edhe shtatoren e heroit.
Nga këtu Kurti mori rrugën për në Roganë ku u vendos gurëthemeli i Stadiumit të Atletikës.
