Përmes filmimeve në rrugë, ai iu drejtua parlamenteve të shteteve të ndryshme në botë, shkruan The Guardian.
Por ajo që është “e përbashkëta” e fjalimeve të tij është se prapa qëndron autori i njëjtë – Dmitro Litvin, 38-vjeçar i cili është ish-gazetar dhe analist politik.
“Presidenti e di gjithmonë se çfarë dëshiron të thotë dhe si dëshiron ta thotë. Emocionet janë gjëja më e rëndësishme në fjalime. Dhe sigurisht, presidenti është autori i emocioneve dhe logjikës së fjalëve”, tha Litvin.
Ai së bashku me kolegët e tij ka jetuar dhe punuar që në ditët e para të pushtimit.
Ndërkaq, Serhiy Leshchenko që është ish-gazetar e që u bë këshilltar i luftës i Zelenskyt e përshkroi Litvinin si një asistent letrar dhe artistik.
“Ai mbledh çdo ditë idetë e presidentit. Punon si mbledhës i mendjes apo i shqisave”, e ka përshkruar Leshchenko 38-vjeçarin.
Litvin ka qenë në qendër të politikës ukrainase për disa kohë.
Ai ishte një analist politik i “Shërbëtorit të Popullit”, partisë politike të Zelenskyt dhe një kundërshtar i Petro Poroshenkos.
Sipas sondazheve, 95 për qind e ukrainasve besojnë se vendi i tyre mund të zmbrapsë pushtimin rus, pavarësisht inferioritetit të Kievit për sa u përket tankeve, ushtarëve dhe aviacionit, raporton Klix.
Orisia Lucevich, menaxhere e forumit ukrainas, tha se karriera e mëparshme e Zelenskyt si aktor dhe komedian ishte çelësi i suksesit të tij. Shikuesit janë mësuar ta shikojnë në role të ndryshme në televizion dhe për këtë arsye kanë mundur ta pranojnë atë si “komandantin e përgjithshëm me bluzë”.
