Në natën e 24 shtatorit 2023, ishte i punësuar si roje hoteli në Ranjska Banja të Zveçanit.
Për natën kritike e cila përfundoj me vrasjen e polici Afrim Bunjaku, Rade Nedelkoviq dha dëshminë para një jave në gjyqin për sulmin terrorist në Banjskë.
Mirëpo kjo dëshmi e tij ka ngjallur reagime të mbrojtjes së zyrtarëve policorë që janë të përfshirë në këtë rast.
Naim Rudari, avokati i policit të plagosur, Alban Rashiti ka ngritur kallëzim penal ndaj tij dhe 3 dëshimtarëve të tjerë pasi vlerëson se i njëjti ka ndryshuar dëshminë e tij me atë të dhënë në Polici e Prokurori.
“Stafit të hotelit Ranjska Banja për të cilët dëshmitarë këta kanë deklaruar se në njëfarë mënyre i kanë ndihmuar anëtarët e grupit terrorist dhe po ashtu njëri nga këta dy dëshmitarë i kishte ndihmuar këtij grupi terrorist pra që të strehohen në hotel, i kanë premtuar të tjerëve se do t’i regjistrojnë si mysafirë hoteli apo si punëtorë dhe poashtu i kanë ndihmuar të strehohen ti ndërrojnë rrobat por edhe të braktisen nga hoteli”, ka thënë Rudari.
Sipas tij, kjo dëmton procesin gjyqësor andaj kërkon që këto kallëzime penale të merren seriozisht nga Gjykata Themelore në Prishtinë.
“Ne presim tani nga Prokuroria të fillojë me hetime sepse nuk dmth që Prokuroria në zhvillimin e hetimeve ndaj këtyre personave që ne kemi kallëzuar penalisht do të vërtetojë vetëm veprën penale ‘Deklarim i rremë’ por do të argumentojë edhe ‘ndihmën në kryerjen e veprave terroriste’, ‘moslajmërimin e veprave penale’, ‘dhënia e ndihmës së kryerësve pas kryerjes së veprës penale’, ‘manipulimi me prova’ dhe veprën penale ‘deklarimi i rremë’. Pra ata kanë kryer disa vepra penale duke i ndihmuar grupit terrorist gjatë sulmit në Banjska por edhe tani gjatë gjykimit duke u munduar që t’iu ndihmojnë me përkushtim të lartë”, është shprehur Rudari.
Nedelkoviq dëshmoi në Gjykatë se te hoteli kishin ardhur disa persona të armatosur që e kishin sjellë një të plagosur.
Televizioni është në tentim për të kontaktuar edhe me Rade Nedelkoviq.
Derisa pohoi se në hotel kishte qëndruar edhe kreu i grupit, Milan Radoiciq, porse vet nuk e kishte parë.
