Shkencëtarët kanë zbuluar pesë lloje të reja iriqësh me gëzof të butë nga Azia Juglindore.
Zbulimi u bw pas disa kërkimeve shkencore në pyjet tropikale.
Studiuesit gjithashtu rivlerësuan ekzemplarët e gjitarëve që kishin qenë në koleksionet muzeale për dekada.
Ky studim i detajuar biologjik zbuloi se dy nga kafshët në muze ishin specie të reja për shkencën.
Tre të tjera – që ishin kategorizuar si nëntipe të një specie – u konfirmuan se ishin mjaft të dallueshme nga njëra-tjetra për t’u njohur zyrtarisht si specie individuale.
Një nga kërkuesit kryesorë, Dr Melissa Hawkins, nga Muzeu Kombëtar i Historisë Natyrore Smithsonian (SMNH), i tha BBC News se zbulimi tregoi diversitetin “të mahnitshëm” të jetës në planetin tonë ende për t’u zbuluar.
“Ne mendojmë se dimë për botën natyrore,” tha Dr Hawkins, “por edhe grupe si gjitarët – veçanërisht gjërat e vogla që jetojnë në habitate të vështira për t’u arritur – ne me të vërtetë nuk dimë fare.
“Gjetja e kafshëve si këto mund të sjellë pak vëmendje ndaj ekosistemeve [pyjeve të shiut] që janë shumë të kërcënuar,” tha ajo.
