Të hënën, në aeroportin “Adem Jashari”, gjatë kontrolleve rutinore, është zbuluar një rast i tentativës për të futur mallra të padeklaruara në vlerë prej 3 mijë e 264 euro.
Sipas Doganës së Kosovës, mallrat e padeklaruara janë zbuluar gjatë kontrollit nëpërmjet skanerit dhe inspektimit fizik të bagazheve të dy udhëtarëve që kishin arritur nga Stambolli.
“Gjatë kontrollit nëpërmjet skanerit dhe inspektimit fizik të bagazheve, janë zbuluar mallra të padeklaruara si: Produkte kozmetike, ambalazhe me mbishkrime të brendeve të ndryshme, ngjitëse/stikera me mbishkrime komerciale”, thuhet në njoftim.
Mallrat thuhet se janë ndaluar përkohësisht dhe ka filluar procedura kundërvajtëse.
