Në një bisedë për tëvë1, Berisha tha se kjo situatë e krijuar është për faj të kryeministrit, Albin Kurti.
Madje, Berisha e akuzon Kurtin se që një kohë të gjatë e ka sulmuar dinjitetin e veteranëve.
“Fizikisht nuk jam në mesin e protestuesve, mirëpo jam duke i përcjellur nga vendi ku jam aktualisht. Është e dhimbshme që 20 vjet paslufte, ata që luftuan të mos e gëzojnë të drejtën minimale që u takon. Luften me UCK-në e kanë humbur edhe plotë të tjerë, e ka humb edhe Serbia. Dinjiteti i veteranëve është duke u sulmuar, sepse ne kemi njerëz në qeveri që tash e 20 vjet kanë tentuar që ta njollosin duke shpifur me akuza të rënda për drejtuesit e luftës, vetëm e vetëm që të shtihet përçarje brenda qytetarëve’, ka thënë Berisha.
Tutje, zyrtari i Nismës Socialdemokrate, shton se Lëvizja Vetëvendosje ka ardhur në pushtet edhe me vota të disa veteranëve të UÇK-së.
Por, sipas Berishës edhe veteranët që e kanë votuar Lëvizjen Vetëvendosje, janë duke e kuptuar se kanë bërë gabim.
“Veteranët e kanë mbështetjen time, si ashtu gjithë familjet e Kosovës, derisa Qeveria Kurti të kthjellet mbi gjithë këto vlera që e kanë arritur lirinë e Kosovës. Nuk është e vërtetë që problemi është tek buxheti i vendit. Problemi është tek sjellja dhe shprehjet joadekuate të qeverisë karshi veteranëve. Albini dhe kjo suitë është në pushtet edhe për shkak që një pjesë e veteranëve i ka votuar. Edhe vetë veteranët po e shohin që kanë bërë gabim që e kanë votuar këtë person”, ka shtuar Berisha për tëvë1.
