Golden Eagle Ylli ka angazhuar trajnerin e ri për pjesën e mbetur të këtij sezoni në Superligën e Kosovës në basketboll.
Bëhet fjalë për trajnerin nga Kroacia, Jeronimo Sharin, i cili këtë sezon e nisi te Vëllaznimi i Gjakovës por u largua.
Ylli, të martën ka prezantuar Sharinin, i cili pritet të debutojë në krye të ekipit të mërkurën kundër Sigal Prishtinës.
“Ju prezentojmë trajnerin e ri, Jeronimo Sarin. Sarin vjen për të sjellë energji të re në parket dhe për t’i dhënë skuadrës një drejtim të fortë drejt objektivave të mëdha të këtij sezoni”, ka shkruar Ylli.
Sharin e njeh mirë kampionatin e Kosovës pasi më herët ka drejtuar Sigal Prishtinën, Pejën e Bashkimin.
Sezonin e shkuar me Vëllaznimin, ai arriti ta fitojë Ligën Unike.
