Fundori amerikan, Trevon Allen nuk është më pjesë e Golden Eagle Yllit, ekipit që bën gara në Superligën e Kosovës në basketboll.
Skuadra nga Suhareka, të enjten ka njoftuar se me marrëveshje të dyanshme ka ndarë rrugët me amerikanin Allen, të cilin e ka falënderuar për kontributin dhe profesionalizimin.
Në fakt, Allen është larguar nga Ylli për të vazhduar karrierën në Poloni, pasi tashmë është zyrtarizuar te skuadra e Anëilit.
Allen kishte kontratë me Yllin deri në fund të sezonit, por Anëili ka paguar dëmshpërblim për të siguruar shërbimet e basketbollistit të gjatë 188 centimetra.
Në 14 paraqitje me fanellën e Yllit këtë sezon në elitën e basketbollit kosovar, Allen ka pasur një mesatare prej 18 pikëve, 5 kërcimeve e 2 asistimeve për ndeshje.
