Golden Eagle Ylli ka fituar pa telashe ndaj Proton Cable Prizrenit në ndeshjen e xhiros së 21-t të Superligës së Kosovës në basketboll.
Ndeshja e luajtur në palestrën “13 Qershori” në Suharekë ka përfunduar me triumfin e thellë të Yllit me shifrat 91:69.
Ylli ka dominuar gjatë tërë ndeshjes duke i fituar të gjithë çerekët për fitoren e radhës në elitën e basketbollit kosovar.
Arian Qallaku me 22 pikë e 8 kërcime dhe Jan Palokaj me 23 pikë e 10 kërcime ishin më të dalluarit te Ylli kurse te Proton Cable Prizreni, u veçua Lenzelle Smith me 17 pikë të shënuara.
