Kampioni aktual, Golden Eagle Ylli, e ka fituar ndeshjen e tretë me radhë në Superligën e Kosovës në basketboll. Ylli të dielën mbrëma në Suharekë, fitoi me rezultatin 76:73 ndaj Bashkimit.
Si shumica e ndeshjeve të këtij edicioni, edhe kjo u vendos në aksionet e fundit. Ndeshja i ka takuar xhiros së shtatë të Superligës së Kosovës në basketboll.
Për Yllin ishte fitorja e tretë rresht. Kjo seri ka pasur atë prej katër humbjeve. Kurse, Bashkimi pësoi humbjen e pestë.
Henrik Shirko udhëhoqi Yllin drejt fitores. Ai ndeshjen e mbylli me 21 pikë, tetë kërcime e shtatë asistime. Chris Harris realizoi 14 pikë e dhjetë kërcime. Rashun Davis i kishte 17 pikë. Prentiss Nixon u dallua te Bashkimi me 15 pikë e gjashtë kërcime. Fahro Alihoxhiq i kishte 13 pikë e dhjetë kërcime.
