Kampionati botëror po afron dhe emocionet e këtij kompeticioni janë gjithmonë të veçanta.
Ky eveniment që njihet edhe si më i madhi në botën e futbollit, gjithmonë sjellë në skenë talentë të rinj dhe yje që përformojnë ‘vetëm’ në botëror.
E diela do të jetë dita kur starton “Qatar 2022”, teksa pritet të rikthehet në formën e tij më të mirë portieri meksikan, Guilermo Ochoa, kthehet në ekranet televizive me pritjet e tij që në secilin kampionat botëror ka bërë tifozët në të gjithë botën për vete.
Afrika 2010 solli në pah një futbollist si Mesut Ozil, i cili më pas bëri karrierë të bujshme në ekipe si Real Madrid, Arsenal e Fenerbahce. Turko-gjermani ishte një mesfushor i avansuar dhe njihej në publik si futbollist shumë vizionar.
4 vitë më vonë, në botërorin e Brazilit, futbollisti që pushtoi botën e futbollit gjatë kampanjës ishte James Rodriguez. Kolumbiani kishte fjalën kryesore në kombëtaren e tij duke u shpallur si golshënuesi më i mirë me 6 të tillë dhe duke shtuar edhe dy asistime për shokët e skuadrës. Rodriguez pas botërorit, u transferua tek Real Madrid, për t’u huazuar tek Bayern Munchen, por shkëlqimi i tij nuk zgjati shumë.
Botërori i 2018 i takoi plotësisht francezit Kylian Mbappe i cili përveç se fitoi kupën e botës me ‘gjelat’ ai terrorizoi mbrojtjet kundërshtare. Ai përfundoi botërorin me 4 gola, duke u bërë vetëm adoleshenti i dytë në histori të kompeticionit që shënon një gol në finale.
Megjithatë, botërori i 2022 ka pritshmëri të mëdha sa i përket talentëve që pritet të shpërthejnë.
Yousuf Fofana. Mesfushori i Monacos ka pranuar ftesën nga trajneri Didier Deschamps dhe me mungesën e yjeve Pogba e Kante në mesfushën e Francës, ai mund të ketë më shumë hapësirë për të treguar vlerat e tij.
Ëout Faes. Mbrojtësi belg, që angazhohet tek skuadra e Leicester Cityt, ka zënë vend në 11-shën startuese të Brendan Rodgers dhe paraqitjet e tij kanë bërë që të debutojë në botëror me kombëtaren e tij të Belgjikës.
Coady Gakpo. Një sulmues i krahut mjaft i lëvizshëm dhe i papërshtatëshëm për t’u mbrojtur ndaj tij. Shpejtësia është arma e tij më e fortë dhe Lois Van Gaal e sheh si një mundësi të mirë në sulmin e Holandës.
Edson Alvarez. Mesfushor defansiv tipik modern, i cili është pjesë e Ajaksit. Lojtar me një inteligjencë të lartë dhe një fizik të përshtatshëm për të performuar në nivelet më të larta të futbollit. Meksika ka ditur edhe më parë të nxjerrë në treg lojtarë të kalibrit të lartë dhe Alvarez mund të jetë një prej tyre.
