Në vitet e 90-ta, si roje në burgun e Prishtinës e burgun e Lipjanit, punuan Boban Toniç, Nadica Çepiç dhe Mirsad Ibro.
Tre ish gardianët, po dyshohet se ndaj të burgosurve shqiptarë, ushtruan dhunë dhe kryen maltretime fizike dhe psiqike.
Përjetimet e rënda që i ndodhën në atë kohë, i ka të freskëta Ali Xhyliqi.
Xhyliqi tregon se i njeh mirë Toniçin, Çepiçin e Ibron.
Ata që keqtrajtoheshin më së shumti, ai kujton se ishin pjesëtarët e Ushtrisë Çlirimtare të Kosovës.
Pas arrestimit të tre të akuzuarve, Xhyliqi ka shpresë se më në fund drejtësia do të vihet në vend.
Policia e Kosovës njoftoi gjatë ditës së djeshme se i arrestoi tre tashmë të dyshuarit.
Të gjitha krimet, ata dyshohet se i kryen në periudhën kohore 1998-1999, në burgun e Prishtinës dhe Qendrë Korrektuese të Lipjanit.
Për veprën e njëjtë penale, gjatë javës së kaluar është dënuar me shtatë vite burgim, ish-gardiani Dragisha Milenkoviq.
