Në Qendrën Nacionale të Xhudos në Pejë, duke filluar nga 5 deri me 11 tetor 2025, po mbahet “Trajnimi i Trajnerëve” për zhvillimin e kapaciteteve të tyre, si pjesë e programit shtetëror “Kosova, Shtet i Xhudos”.
Trajnimi udhëhiqet nga trajneri e selektori Driton Kuka dhe trajnerët Fatos Tabaku, Nora Gjakova e japonezja Tomoe Yokoyama, të cilët po ndajnë përvojën dhe njohuritë e tyre me trajnerët pjesëmarrës.
Trajnimi i trajnerëve synon të forcojë njohuritë teknike të tyre, duke përfshirë metodat më të fundit në teknikat e xhudos. Gjatë ditëve të trajnimit, pjesëmarrësit po marrin pjesë në ushtrime praktike, të cilat do të mundësojnë përmirësimin e aftësive të trajnerëve dhe zhvillimin e mëtejshëm të xhudos në Kosovë.
Ky program është i mbështetur nga Ministria e Kulturës, Rinisë dhe Sportit
