Edin Xheko është bërë futbollisti më i moshuar që ka shënuar gol në Ligën e Konferencës.
Ai shënoi gol në fitoren 3:0 të Fiorentinas ndaj Rapid Vjenës.
Për sulmuesin boshnjak ishte goli i dytë për Fiorentinan.
Xheko realizoi në minutën e 48-të dhe hyri në histori të kësaj gare duke gjetur golin në moshë 39 vjet e 220 ditë.
Ai e ka kaluar çekun Milan Petrzhela, i cili realizoi për Slovackon kundër Kolnit tre vjet më parë, kur kishte 39 vjet e 89 ditë.
Fiorentina ka dy fitore në Ligën e Konferencës.
Xheko u transferua te Fiorentina në verë si futbollist i lirë. Në edicionin e kaluar ishte lojtar i Fenerbahçes.
