Mesfushori Granit Xhaka ka insistuar se në sezonin 2024/25 synon edhe më shumë me Bayer Leverkusenin sesa sezonin e shkuar.
Në sezonin e tij të parë me fanellën e Leverkusenit, Xhaka fitoi titullin dhe kupën e Gjermanisë kurse u mposht në finalen e Ligës së Evropës.
31-vjeçari tashmë ka nisur përgatitjet me Leverkusenin për sezonin e ri, i cili beson se do të jetë sërish i suksesshëm.
“Duam edhe më shumë sesa sezonin e shkuar. Jo vetëm këtë sezon, por sigurisht se edhe në vitet e ardhshme dëshirojmë të jemi në krye. E kemi parasysh se presioni do të jetë më i madh se vitin e shkuar por besoj se mund ta përballojmë. Kam ndjenjën se do të bëjmë edhe më shumë sesa sezonin e shkuar”, është shprehur Xhaka në një intervistë për “Bild”.
Po ashtu, Xhaka ka folur edhe për transferimin e tij te Leverkuseni nga Arsenali verën e shkuar. Ai ka insistuar se kalimi tek ekipi gjerman ishte hap para në karrierën e tij.
“Për mua personalisht nuk ishte hap prapa, por dy hapa para. E them këtë sepse kam pasur këtë ndjenjë edhe gjatë negociatave me klubin, që diçka e veçantë do të ndodhte”, shtoi Xhaka.
Mesfushori ka thënë se është në formë të mirë për sezonin e ri pasi tashmë ka kaluar lëndimin që e pësoi në “Euro 2024”.
Xhaka ishte kapiten i Zvicrës në Evropian që u eliminua në çerekfinale nga Anglisë pas penalltive.
