Mesfushori Taulant Xhaka do t’i jap fund karrierës si futbollist aktiv pas 13 sezoneve të luajtura, ku ka fituar 10 trofe dhe ka mbi 400 ndeshje të zhvilluara me fanellën e Baselit.
Kështu, ka njoftuar futbollisti 33-vjeçar për faqen zyrtare të Baselit të mërkurën.
33-vjeçari është rritur te Baseli kurse për një periudhë ka luajtur edhe për Grasshopperin, si i huazuar.
Gjithashtu, Xhaka ka luajtur për të gjitha gjeneratat e reja te Zvicra, ndërsa me Kombëtaren A të Shqipërisë ka regjistruar 31 paraqitje dhe ka shënuar një gol.
Taulanti është vëllai i madh i Granit Xhakës.
