Granit Xhaka është në mesin e 16-të lojtarëve që i ka luajtur të gjitha ndeshjet deri më tani në Premier League, kampionat në të cilin janë zhvilluar 13-të xhiro.
Këtë sezon, vetëm një numër i vogël i lojtarëve nuk ka munguar për asnjë minutë në ndeshjet e ekipit të tij deri më tani, përfshirë këtu 9 qendërmbrojtës, 2 mbrojtës krahu dhe 5 mesfushorë qendror.
Xhaka është kapiten i Sunderlandit, ekip të cilit iu bashkua në verë dhe ndër mesfushorët më të vlerësuar në kampionat.
33-vjeçari po tregohet lider i vërtetë te Sunderlandi, i cili aktualisht renditet i gjashti në tabelë me 22 pikë të mbledhura.
Në 1170 minuta lojë në këto 13-të javët e para të këtij sezoni në Premier League, Xhaka ka shënuar edhe 1 gol dhe ka bërë 4 asistime.
Ai pritet ta udhëheqë Sunderlandin edhe të mërkurën mbrëma kundër Liverpoolit, në duelin e xhiros së 14-të.
