Granit Xhaka duket se ka marrë vendim për të ardhmen e tij, pasi karrierën do ta vazhdojë në Arabinë Saudite.
Raportohet se Xhaka, tashmë ka arritur marrëveshje personale me ekipin Neom SC, i cili tashmë I ka bërë ofertë zyrtare Bayer Leverkusenit.
Thuhet se Xhaka te skuadra saudite do të ketë pagë vjetore prej 10 milionë eurosh, duke refuzuar Fenerbahçen, ekip që i kishte bërë ofertë 32-vjeçarit.
Neom SC ka njoftuar Leverkusenin se ka marrëveshje me Xhakën, të cilin synon ta transferojë këtë verë.
Ekipi saudit, fillimisht ka ofruar 6 milionë euro për kartonin e Xhakës dhe pritet që negociatat mes klubeve të vazhdojnë për t’u parë nëse marrëveshje do të arrihet ditëve në vazhdim.
Xhaka më herët ishte pranë kalimit te Milani, por oferta prej 10 milionë eurosh u refuzua nga Leverkuseni, ekip me të cilin mesfushori shqiptar ka kontratë deri në vitin 2028.
Po ashtu, interesim për Xhakën ditët e fundit kishin shprehur edhe Juventusi e Interi.
