Ai në emisionin “Këndi i Debatit” në Tëvë1 thotë se në situatën aktuale është e vështirë të nënkuptohet me “vendime të vështira” – duke iu referuar letrës që kancelari gjerman, Olaf Scholz dhe presidenti francez, Emmanuel Macron i dërguan kryeministrit, Albin Kurti.
“Vizita e së premtes besoj do të sjellë kërkesa konkrete për pranim të kompromiseve ose pranim të marrëveshjeve ose draft marrëveshjeve që i kanë në tavolinë. Në këtë situatë ku jemi është e vështirë me kuptu çka nënkupton ‘vendime të vështira’ për shkak që vendimet që janë në tavolinë nuk duken shumë të vështira nëse e shohim në aspekte të parimeve”, tha ai.
Tutje, sa i përket targave me Serbinë, Xani thotë se do duhej ose të vazhdohej me marrëveshjen aktuale ose të arrihet një marrëveshje e plotë, duke shtuar se me “vendime të vështira” mund të nënkuptohet për njohje reciproke me Serbinë.
“Për mendim timin do duhej ose të vazhdohet kështu siç është ose të arrihet një marrëveshje e plotë nuk duhet të pranojmë një marrëveshje të ndërmjetë për shkak se kalon një periudhë dhe do duhet të ketë takim e tensione për zbatim të kësaj marrëveshje ose qarkullim të lirë. Prandaj nëse do të ketë unë nuk do ta quaj kompromise të vështira nëse pranohen targat siç janë por lehtësim për qytetarët, kompromise të vështira ka më shumë të bëjë për një zgjidhje finale sa i përket njohjes reciproke”, shtoi ai.
Po ashtu, analisti u shpreh optimist se kompromis i vështirë nuk do të jetë ndonjë detyrim për ndryshim të Kushtetutës.
