Analistit politik, Visar Xani ka vlerësuar se mungesa e kryetarit të LVV-së njëherit kryeministrit Kurti, në takimin konsultativ për datën e zgjedhjeve të ftuar nga presidentja Osmani ka të bëjë më shumë se me agjendë.
Ai për ka thënë se reagimi i Osmanit për mungesën e Kurtit tregon për këtë.
“Mbase munde të jetë çështje agjende, por deklarimi i presidentes nuk lë këtë përshtypje, pra del jashtëzakonisht shumë më shumë se çështja e agjendës dhe nga ky aspekt na le më kuptu se kemi nevojë për zgjedhje”, ka thënë Xani në emisionin “Ditari” në Tëvë 1.
Kurti nuk mori pjesë në këtë takim me arsyetimin siç u tha nga Qeveria për shkak të konfrimit në një drekë me ambasadorët e akredituar në Kosovë të thirrur nga i BE-së.
Vetëvendosje, kishte propozuar që në takim të shkonte nënkryetari i partisë, Glauk Konjufca, por që ishte refuzuar nga e para e vendit me arsyetimin se agjenda ka qenë me kryetarët e partive.
Xani ka thënë se Osmani me këtë ka krijuar një standard të ri protokollar edhe pse mu Kushtetutë nuk është obligim të marrin pjesë vetëm kryetarët e partive.
Ai duke folur për “diss-at”, ndërmjet ministres së Jashtme Donika Gërvalla dhe presidentes Osmani, ka thënë se ka qenë jo serioze.
“Në aspekt të përgjegjësisë nuk më duket serioze. Aspak institucionale”, tha Xani.
