Kandidati për deputet nga Lidhja Demokratike e Kosovës, Visar Xani ka thënë se në garë janë për të fituar dhe për t’i dhënë vendit institucione të qëndrueshme dhe kthimin e llogaridhënies.
Xani në emisionin “Këndi i Debatit” në Tëvë1, ka thënë se ata nuk janë për më i kënaqur egot personale dhe për të thyer rekorde.
“Mu kënaq egot personale dhe mu vendos rekorde, kjo nuk është për sistemin demokratik dhe atë që e kemi ndërtu në Kosovë.
Qëllimi i jonë është me ju fut garës, me fitua me dal të parët dhe tregu qysh krijohen institucionet dhe qysh largohen egot personale dhe qysh i kthehet llogaridhënia qytetarit”, ka thënë ai.
Xani ka thënë se LDK nuk synon me fitua gjithçka vet, pasi siç ka thënë ai një mendësi e tillë po sjellë vetëm bllokada.
“Nuk e kemi për qëllim me fitua gjithçka vet, sepse gjithçka vet në sistemin politik në Kosovë është e pamundshme, sepse një mendësi e tillë po na qon nga bllokada në bllokadë”, është shprehur Xani.
