Analisti Visar Xani, ka kritikuar partitë opozitare për siç ka thënë ai për reagime vetëm në Facebook për situata të interesit nacional.
Xani duke komentuar statusin e kryetarit të LDK-së, Lumir Abdixhiku i cili ka akuzuar Qeverinë e Kosovës se po bënë propagandë me hapjen e urës së Ibrit, ka shtruar pyetjen se a mbajnë paritë opozitare takime dhe me dal me rekomandime, apo mjaftohen me reagim të liderit me status në Facebook.
Xani në emisionin “Këndi i Debatit” në Tëvë1, ka thënë se kjo është skandaloze.
“A ka opozita ndonjëherë takime me parti me dal me konkluzione, me marr mendime me dal me rekomandime. Apo veç lideri duhet në Facebook mi shkru nja 2- 3 paragraf edhe me rrëzuar Qeverinë Kurti. Kjo është skandaloze për mu, reagimet për nivel nacional vetëm me statuse në Facebook”, ka thënë Xani.
Ai në emisionin në Tëvë1 deputetit të LVV-së, Alban Bajrami i ka thënë se do të mbajnë përgjegjësi politike nëse ata e hapin urën e KFOR-i vendoset për të moslejuar qarkullimin e veturave.
“Unë them që e keni nisë këtë punë duhet me vazhdu deri aty, nëse KFOR-i e lejon hapjen e urës, krejt në rregull është gjithçka. Por në momentin që bëhet gjithçka gati për të lëviz, dhe KFOR-i pozicionohet, duhet të merrni përgjegjësi politike se i keni shkaktu dëm të madh Kosovës, në anën tjetër nëse ka sukses i keni bë një shërbim të madh. Të dyja i keni për detyrë si pushte mi analizu saktë”, ka thënë Xani.
