Për këtë çështje, njohësi i çështjeve politike, Visar Xani në një lidhje direkte në Tëvë1, ka thënë se kjo ishte një rezultat jo i këndshëm për Kosovën. Sipas tij, në këtë takim janë diskutuar çështje që nuk i takojnë Kosovës.
“Ishte një rezultat jo shumë i këndshëm për Kosovën, duket se disa informacione po dalin shqetësuese sa i përket liberalizimit të vizave për arsye që disa çështje të cilat nuk i takojnë Kosovës, janë diskutuar këtu brenda”, tha Xani.
Ai thotë se kalkulimet e shteteve anëtare për interesa të veta i kanë vu në rend të parë në kurriz të Kosovës.
“Pra duke kërkuar çështje në interes të BE-së, duke kushtëzuar liberalizimin e vizave për Kosovën, konkretisht Franca dhe disa vende të tjera”, ka thënë më tej Xani.
Ndërkaq, sa i përket temave, Xani tha se Kosova nuk ka tema që do të duhej të diskutonte me BE-në për liberalizimin e vizave.
“Sa i përket temave që janë përmend, ishte një njoftim i përgjithshëm. Ishte një njoftim duke munduar të ik nga realiteti për shkak se Kosova nuk ka tema që do të duhej të diskutonte me BE-në për liberalizimin e vizave. Këto tema janë të gjitha të BE-së”, deklaroi ai. /teve1.info/
