Mesfushori Hekuran Kryeziu nuk është më pjesë e Winterthurit. Skuadra e Superligës së Zvicrës të premten ka njoftuar se me marrëveshje të dyanshme ka shkëputur kontratën me Kryeziun.
Kryeziu 30-vjeçar, kishte kontratë me Winterthurin deri në qershor të vitit 2024. Ai i është bashkuar Winterthurit në gushtin e vitit të kaluar. Ka luajtur 23 ndeshje, ndërsa ka bërë dy asistime.
Kryeziu për kohë të gjatë ishte mesfushori kryesor i përfaqësueses së Kosovës. Tashmë herë ftohet e herë jo. Ka pasur telashe për të shfaqur nivel të lartë në vitet e fundit.
