As dhimbjet në bërryl nuk e ndalën Jannik Sinerin në Wimbledon, teksa italiani siguroi kalimin për në gjysmëfinalet e turneut grand slam.
Numri një i botës mposhti amerikanin Ben Shelton në tre sete (7-6, 6- 4, 6-4) në një ndeshje që zgjati 2 orë e 21 minuta. Pas një seti të parë të ekuilibruar, Siner e kontrolloi lojën, duke merituar edhe kualifikimin mes katër më të mirëve të garës prestigjioze të tenisit.
Problemet me bërrylin, të cilat i kishte që nga ndeshja me Grigor Dimitrovin, e vendosën në dyshim të madh paraqitjen e tenistit italian, por Sinner ia doli më si miri, duke u treguar superior ndaj Ben Sheltonit, numrit 10 në renditjen ATP.
Sinner do të luaj në gjysmëfinale ndaj Novak Gjokoviçit, ndërkohë në gjysmëfinalen tjetër në Wimbledon do të përballen Carlos Alcaraz dhe Taylor Fritz.
Kujtojmë që spanjolli eliminoi në çerekfinale britanikun Cameron Norrie, 3-0 në sete, ndërsa amerikani fitoi 3-1 ndaj rusit Karen Kaçanov.
