Ai është shprehur krenar që e ka marrë këtë çmim.
“Sot sinqerisht e ndiej vetën shumë të mirë të marrë një gradë nderi. Jam shumë krenar që të marrë këtë çmim sot. Kjo po ndodhë sot në Pejë, njëri prej vendeve të pëlqyera në Kosovë. Albin Kurti, ministrat, Behgjet Pacolli do të dëshironin që të lindin në Pejë. Prej vizitës së parë në Kosovë prej viti 199, asnjëherë nuk e kam lënë pa e vizituar Pejën”, ka thënë Walker.
Diplomati amerikan, 87-vjeçar, i cili që dy vjet që nuk ka qenë në Kosovë, u shpreh se ka pasur zhvillime të reja.
“Duke pasur parasysh që nuk kam qenë këtu që dy vjet, ndiej që jam shkëputur pak nga Kosova. Ngjarje dhe sfida të mëdha, një qeveri e re, personalitete të reja të cilët do të udhëheqin këtë vend. Udhëheqësia e re dhe fakti qe ende duhet të testohet, që përpiqet ta bëjë një vend më të mirë. Kanë ndodhur trazira dhe ndër më të rëndësishmet në Ukrainë, qytetarët evropianë janë duke u përballur me shumë Reçaka. Shpresoj që bota do të bëjë atë që është përpjekur ta bëjë, që të heqë qafe këta kriminelë”, shtoi ai.
I pranishëm në ceremoni ishte edhe kryeministri i Kosovës, Albin Kurti, i cili ka thënë se Walkeri para se të jetë mik i Kosovës, është mik i së vërtetës.
Ai tha se misioni verifikues i OSBE-së ndihmoi në ndryshimin e përceptimit ndërkombëtar për UÇK-në.
“Në janar të vitit 1999, policia e Serbisë e rrethekoi fshatin Reçak. Ata vranë e masakruan trupat e 45 banorëve. Asgjë nuk e ka ndryahuar rrjedhën e ngjarjevë se sa jehona e masakrës në Reçak siç ishte raportuar nga asmbasadori William Walker. Para se të jetë mik i Kosovës, është mik i së vërtetës”, ka thënë Kurti./ksp
