Shefin e EULEX-it, Ambasadorin Lars-Gunnar Wigemark, i cili është dekoruar me medalje presidenciale nga presidentja, Vjosa Osmani ka thënë se kjo është mënyra më e mirë për ta përfunduar mandatin.
Ai tha se është i nderuar dhe thellësisht i prekur që kam marrë medaljen presidenciale për Sundimin e Ligjit në Kosovë.
“Jam i nderuar dhe thellësisht i prekur që kam marrë Medaljen Presidenciale për Sundimin e Ligjit nga Presidentja e Kosovës, Vjosa Osmani. Pas më shumë se tre vjetësh me EULEX-in, kjo është mënyra më e mirë për të përfunduar mandatin tim si Shef i EULEX-it. Faleminderit!”, ka shkruar ai në Tëitter.
I am honored and deeply moved to have received the Presidential Medal for Rule of Law by #Kosovo President @VjosaOsmaniPRKS. After more than three years with @EULEXKosovo, this is the best way to conclude my term of office as Head of #EULEX. Thank you! pic.twitter.com/GS13Qp4r3l
— Lars-Gunnar Wigemark (@LarsGWigemark) June 10, 2023
Osmani, ka pritur në takim lamtumirës të premten shefin e EULEX-it, Lars-Gunnar Wigemark të cilin e ka dekoruar me medalje presidenciale për sundimin e ligjit.
Në këtë takim, presidentja Osmani ka theksuar përkushtimin e institucioneve të Kosovës për të arritur qëllimet e sigurisë dhe sundimit të ligjit në secilën pjesë të territorit.
“Presidentja Osmani vlerësoi kontributin e EULEX-it në promovimin e sundimit të ligjit dhe theksoi përkushtimin e vazhdueshëm të institucioneve të Kosovës për të arritur qëllimet e sigurisë dhe sundimit të ligjit në secilën pjesë të territorit të Republikës së Kosovës. Gjatë takimit, Presidentja Osmani dekoroi shefin e EULEX-it me medaljen presidenciale për sundimin e ligjit. Ajo theksoi rëndësinë e partneritetit mes institucioneve të Kosovës dhe organizatave partnere ndërkombëtare që operojnë në fushën e sigurisë dhe sundimit të ligjit”, ka bërë të ditur Presidenca.
