Kryeministri i Kosovës, Albin Kurti ka shkruar për 19-vjetorin e Lëvizjes Vetëvendosje.
Kurti ka thënë se këto 19 vite ishin përpjekje e angazhim për të lënë gjurmë të thella në historinë politike të vendit tonë.
Ai po ashtu u shpreh se ky përvjetor e gjen VV-në si subjektin më të madh në Republikën e Kosovës që po ashtu qeveris edhe me vendin.
“Sot, Lëvizja jonë mbush 19 vite që prej kur është themeluar. 19 vjet Lëvizje, 19 vjet ecje, 19 vjet përpjekje e angazhim për të lënë gjurmë të thella në historinë politike të vendit tonë. Pa dyshim kjo ecje nuk ka qenë as e shkurtër as e lehtë, por bindjet tona të thella, qëndrimet e drejta, vizioni i qartë dhe me popullin në krah kanë bërë që lëvizja, progresi, rritja të jenë rezultati”, ka shkruar ai në Facebook.
