Kryetari i Prishtinës, Përparim Rama ka kujtuar 27-vjetorin e Masakrës së Reçakut.
Rama ka thënë se në këtë përvjetor, përkulet para jetëve të pafajshme që u shuan mizorisht.
Ai ka thënë se dhimbja e Reçakut, është dhimbje kombëtare dhe një kujtesë e përhershme.
“Reçaku, plagë që nuk mbyllet kurrë.Në këtë përvjetor, përkulemi me respekt para jetëve të pafajshme që u shuan mizorisht. Dhimbja e Reçakut është dhimbje kombëtare. Është një kujtesë e përhershme pse liria jonë ka çmim dhe pse e vërteta duhet thënë gjithmonë, pa frikë dhe pa kompromis. Lavdi martirëve të Reçakut. Kujtimi i tyre le të na bashkojë, le të na forcojë dhe le të na udhëheqë drejt drejtësisë dhe shtetësisë”, ka shkruar Rama./teve1.info/
