Lëvizja Vetëvendosje në Prishtinë ka vendosur thasë me mbeturina para Komunës së Prishtinës, në shenjë pakënaqësie për kaosin e shkaktuar në kryeqytet nga mosmbledhja e mbeturinave nga KRM “Pastrimi”, të cilët janë në grevë.
Përveç thasëve me mbeturina, aktivistët e VV-së kanë vendosur posterë me premtimet e kryetarit Përparim Rama në kohë fushatë, i cili deklaronte që do të angazhohet për një Prishtinë të pastër.
“Përmes menaxhimit efikas të mbeturinave, ne do të ndryshojmë tërësisht pamjen e kryeqytetit”, thuhej në premtimin e Ramës, e të cilën aktivistët e vendosën në objekt.
Ndërkohë, ka reaguar edhe vetë kreu i kryeqytetit, Përparim Rama, i cili ka thënë se kjo situatë është e papranueshme dhe se po punon në zgjidhjen e problemit./EO/
