Deputetja e Lëvizjes Vetëvendosje, Arjeta Fejza, ka reaguar ndaj qëndrimeve të subjekteve politike të cilat thirrën në gjuhën e përdorur në fushatën elektorale nga lideri i saj, Albin Kurti.
Fejza në emisionin “Ditari” thotë se LDK-ja ja nuk është subjekti i duhur politik, i cili duhet të flas për gjuhën.
Ajo ka deklaruar se subjekti i saj politik është sharë publikisht me nënë nga deputeti i LDK-së, Kujtim Shala.
Ajo thotë se nga kjo gjuhë e përdorur nuk kanë pasur asnjë reagim apo distancim kolegët e tij.
“Në Kuvendin e Republikës së Kosovës ne jemi sharë me nënë. Jemi sharë me nënë nga akademiku i LDK-së, asnjëherë nuk ka pasur distancim, as nga ata që kanë qenë ulur afër tij. Jemi sharë nga Kujtim Shala, kjo është publike. Për çfarë gjuhe po flasim? Është skajshmërisht e ulët dhe ofenduese të tentosh ta mjegullosh një proces. Ne aty normal që kemi pasur reagime dhe konsiderojmë që një gjë e tillë është e papranueshme. Tash me na mbajt ligjërata për gjuhën, ata që na kanë sharë me nënë në Kuvendin e Kosovës. Për besë kjo është farsë”, tha ajo në Tëvë1.
