Lëvizja Vetëvendosje ka thënë se me koeficientin e ri të pagave të publikuar nga Qeveria është krijuar barazia dhe dinjiteti në paga.
Sipas VV-së, dallimi i pagës më të lartë dhe asaj minimale në vend ishte 20 herë më i lartë, kurse me koeficientin e ri kjo diferencë do të zbret në 4.7 herë.
Në njoftimin e VV-së, thuhet se me Ligjin e Pagave do të krijohet transparencë dhe me këtë sipas tyre, ju vie fundi edhe mundësive për vendime rritje pagash në mënyrë arbitrare siç ka ndodhur në të kaluarën.
“20 herë ishte dallimi mes pagës më të lartë dhe asaj më të ulët bazike në vendin tonë. Tash kjo diferencë po zbret në vetëm 4.7 herë. Përveç kësaj, tash e tutje ligji për paga do të mundësojë krijimin e një sistemi i cili deri më sot ka munguar në Republikën e Kosovës. Do të kalojmë nga një situatë ku pagat rregulloheshin me afër 60 akte të ndryshme në një situatë ku kemi vetëm një ligj. Nga një situatë ku kishim mbi 170 shtesa të ndryshme në 15 sosh. Do të eliminohen pabarazitë, do të krijohet transparencë dhe me këtë ju vie fundi edhe mundësive për vendime rritje pagash në mënyrë arbitrare siç ka ndodhur në të kaluarën”, thuhet në njoftim./teve1.info./
