Por, prezenca e KFOR-it në veri po e pengon presidentin e Serbisë, Aleksandar Vuçiq. Ai në mbledhjen e kryesisë së Partisë Përparimtare Serbe tha se situata në Kosovë është e rëndë, ndërkohë që ka kritikuar misionin e KFOR-it, për siç ka thënë, bllokadat që ka vënë në veri mes fshatrave të banuara me serbë.
Vuçiq ka thënë se edhe do t’i shkruajë letër NATO-s, ndërkohë që ka kritikuar misionin për ushtrimet e përbashkëta me FSK-në, shkruan gazeta serbe “Novosti”.
“Lidhur me KFOR-in dhe atë që po bën NATO, në dy-tri ditët e ardhshme pas bisedimeve me ndërmjetësuesit, do të dërgoj një letër, sepse rolin e NATO-s dhe KFOR-it e interpretojmë ndryshe. Janë ata që bllokojnë lëvizjen. Kundër të cilëve po luftoni kur vendosni barrikada mes dy vendeve serbe ku pothuajse nuk ka popull apo automjet shqiptar. Qëllimi juaj është të mbroni popullatën serbe, pse i ndihmoni shqiptarët që ta shtypin atë pakicë, pse praktikoni keqtrajtimin e serbëve me ta? Kjo është puna juaj apo të ndihmoni serbët të qëndrojnë në vatrat e tyre? Dëshironi ende të hidhni bomba tymosëse? Kriza zgjidhet me bisedime politike, ju kërkojmë vetëm të respektoni marrëveshjet që janë nënshkruar”, ka deklariaur Vuçiq.
