Presidenti i Serbisë, Aleksandar Vuçiq, ka thënë se pala kosovare nuk ka pranuar draft-statuin e Asociacionit të komunave me shumicë serbe të prezantuar nga Ekipi Menaxhues.
Derisa ka shtuar se formimi i Asociacionit ose do të pranohet, ose do të jetë fundi i gjithçkaje.
“E kam ditur, por sot për herë të parë arritëm deri te një mur. Ishte e qartë në momentin kur u prezantua draft-statuti nga Ekipi Menaxhues, që e bëri në mënyrë profesionale. Reagimi i tyre [palës kosovare] pas kësaj ishte se është e papranueshme, nuk është në përputhje me Kushtetutën e Kosovës, nuk lejojmë Republika Sërpska. Në të gjitha nenet e prezantuara, është thirrur në marrëveshjet e dakorduara të vitit 2013 dhe 2015. Nuk ka asnjë pikë në të cilën nuk është diçka që është dakorduar”, ka thënë Vuçiq.
Ai ka thënë se është biseduar si pikë e tretë edhe zgjedhjet e jashtëzakonshme në komunat në veri të Kosovës.
“Ishte një propozim që kishte të bënte me situatën pas zgjedhjeve, ju e dini që do të kemi një situatë të vështirë në ditët në vijim. Deri më datën 28, ata që kanë marrë 3.4 për qind të votave duhet të kenë nevojë që dikush të hyjë në zyra dhe të marrë ato hapësira, të hiqen flamujt e njërit dhe të vendosen disa të tjerë. E dini çfarë rreziku është dhe çfarë problemi sjell. E dinë edhe njerëzit në BE, prandaj ofruan një zgjidhje. Ndoshta do të flas për këtë për dy-tri ditë, e pranova, atë, Prishtina nuk e pranoi. Serbia tashmë ka pranuar shumë gjëra. Çfarë prisni të bëjmë? Unë prisja të takohesha me Demi Moore 25 vjet më parë, por nuk ndodhi. Kështu zhvillohen gjërat”, tha Vuçiq.
Vuçiq ka thënë se shpreson të ketë ndonjë reflektim në takimin e radhës në nivel teknik.
“BE-ja doli me propozim, por pala kosovare refuzoi. Nuk jam optimist, por mund të premtoj se do të bëjmë gjithçka për ta ruajtur paqen e stabilitetin”, tha Vuçiq.
Po ashtu, Vuçiq ka thënë se shpreson që bisedimet të vazhdojnë ende derisa të gjendet një zgjedhjet për të ardhmen.
“Ne nuk kemi folur për sistemin e tyre juridik. Kemi folur për diçka që të arrijmë kompromis. Është para 10 vjetëve. Kemi nënshkruar parimet në vitin 2015 ata duan ta fshijnë, thonë se nuk duam asnjë ta pranojmë. Thotë Kushtetuesja e tyre. Nuk ka kuptim në mënyrë serioze të pranojmë argumentin. Ose do të pranohet ajo që është dakorduar në vitin 2013 dhe 2015. Apo është fundi i çdo gjëje”, ka shtuar Vuçiq./teve1.info/.
