Vuçiq tha se se Serbisë i vjen keq për luftën në Ukrainë dhe se e mbështet plotësisht integritetin territorial të Ukrainës. “Serbia mbështet plotësisht integritetin territorial të Ukrainës”, tha Vuçiq.
I pari i Serbisë lexoi qëndrimin e Këshillit të Sigurisë Kombëtare të shtetit serb.
“Ne i shohim rusët dhe ukrainasit si popull vëllazëror… Serbia është e përkushtuar ndaj parimit territorial. Bazuar në nenin 16 të Kushtetutës së Serbisë, një nga parimet themelore është respektimi i integritetit territorial të shteteve të tjera”, ka shtuar Vuçiqi.
Sipas tij, Serbia gjithmonë ka ndjekur politikë të jashtme të përgjegjshme e parimore.
“E di se kjo nuk do t’u pëlqejë të gjithëve, do të ketë kundërshtime por kemi bërë më të mirën që kemi mundur. Serbia ka pasur shumë lufta, shumë humbje njerëzish. Kjo flet për atë se ne duhet të jemi krejt bashkë, të ruajmë njerëzit tonë”, u shpreh presidenti serb.
