Presidenti i Serbisë, Aleksandër Vuçiq, pret që sonte të takohet me përfaqësuesin e Lartë të BE-së për politikë të jashtme, Josep Borrell dhe me presidentin e Francës, Emmanuel Macron.
Vuçiq thotë se temë e Këshillit Evropian nesër do të jetë Kosova.
“Patëm biseda të vështira. Biseduam si delegacion me rreth 25 liderë botërorë. Unë pres sonte të takohem edhe me Borrellin e Macronin. Pres të takohem edhe me Mitsotakisin. Nesër në seancën e Këshillit Evropian temë do të jetë Kosova e M., disa do të mundohen të flasin për Serbinë në mënyra të ndryshme”, ka thënë Vuçiq, raporton “B92”.
Ai ka thënë se do të ketë më shumë informacione më vonë sonte.
Sa i përket takimit me delegacionin e Kosovës, Vuçiq thotë se “ata nuk duan as të flasin”.
“Kjo që thotë Osmani është hipokrite, nëse dikush do të ishte i rëndësishëm do të ishte edhe më hipokrit, po shkatërroni integritetin e një vendi të njohur me rezolutën e vlefshme 12 44, bëhet fjalë për standarde të dyfishta ndaj Serbisë, është detyra jonë të flasim me të gjithë. Ne nuk duam sanksione ndaj askujt”, tha Vuçiq./teve1.info/
