Kryetari i Partisë Progresive Serbe (SNS) Aleksandar Vuçiq dhe kryetari i Partisë Socialiste të Serbisë (SPS) Ivica Daçiq do të takohen sot për të diskutuar për vazhdimin e bashkëpunimit politik, ka mësuar nova.rs.
Presidenti serb Aleksandër Vuçiq kritikoi sjelljen e partnerëve të koalicionit në Instagramin e tij, në radhë të parë të SPS-së për mosdhënien e mbështetjes adekuate gjatë seancës për Kosovën, por edhe për sfidat me të cilat po përballet Serbia.
“Më mirë të shkosh në opozitë sesa të lëmë interesat partiake dhe private të drejtojnë vendin. Unë jam gati të shkoj në zgjedhje si kandidat për kryeministër, por nuk do të dorëzohem nën shantazh”, tha Vuçiq.
Kurse kryetari i Bordit Ekzekutiv të SNS-së, Darko Glishiq, tha se përderisa po “inatosen me Vuçiqin”, po shikojnë filma porno. Glishiq e kishte fjalën për deputetin Zvonimir Steviq, i cili shikoi filma për të rritur gjatë seancës parlamentare.
“Nëse më pyesni mua personalisht, është mirë që (zgjedhjet) të mbahen nesër, apo në fundjavë, por njerëzit më të mençur në parti, në krye me Vuçiqin, do të na qetësojnë pak më shumë emocionalisht, kështu që të gjithë do ta bëjmë një vendim i përbashkët që do të jetë më i miri për Serbinë”, tha Glishiq.
