Vuçiqi ka thënë se Scholz i ka kërkuar Serbisë në mënyrë shumë të vendosur e të mprehtë që t’i bashkohet sanksioneve kundër Rusisë, raporton Tanjug, transmeton Teve1.info
“Ne diskutuam situatën politike në botë dhe Scholz i kërkoi Serbisë në një mënyrë shumë të vendosur, të qartë dhe të mprehtë që t’i bashkohet sanksioneve kundër Rusisë, domethënë të mbështesë masat kufizuese që BE-ja tashmë ka miratuar kundër Rusisë,” ka thënë ai.
Po ashtu, Vuçiq ka thënë se do të bëjnë çmos që të arrijnë progres në dialog, teksa thotë se askush në Evropë nuk ka folur për njohjen reciproke.
Sipas tij, këtë e ka dëgjuar për herë të parë sot në një konferencë në Prishtinë e që për Serbinë është një surprizë e madhe.
“Ne do të bëjmë çmos që të arrijmë progres në kuadër të dialogut me Prishtinën nën kujdesin e Brukselit. Askush në Evropë nuk ka folur ndonjëherë për njohjen reciproke të Serbisë dhe Kosovës. Këtë e dëgjuam për herë të parë sot në një konferencë shtypi në Prishtinë, është një surprizë e madhe për ne”, tha Vuçiq. /teve1.info/
