Presidenti serb, Aleksandar Vuçiq ka zhvilluar një takim me ambasadorin amerikan në Serbi, Christopher Hill.
Pas këtij takimi, Vuçiq ka bërë të ditur se të dy janë pajtuar që formimi i Asociacionit është me prioritet, përcjell teve1.info
“U pajtuam që formimi urgjent i Asociacionit së Komunave Serbe është me prioritet, por edhe se duhet shumë më tepër përpjekje, punë dhe biseda për zgjidhjen e problemeve të akumuluara në jetën e përditshme të qytetarëve në Kosovë dhe Metohi”, ka shkruar ai në Facebook.
Vuçiç më tej ka njoftuar se është ftuar të marrë pjesë në Samitin e Demokracisë me ftesë të presidentit Joe Biden.
Të hënën në Bruksel është mbajtur takimi i gjashtë i nivelit të lartë në kuadër të procesit të dialogut. Kryeministri i vendit, Albin Kurti ka thënë se Kosova ka treguar gatishmëri për të nënshkruar planin evropian, porse Serbia nuk ka qenë e gatshme.
Takimi i radhës i nivelit të lartë politik pritet të mbahet gjatë muajit mars. /Teve1.info/
