Presidenti i Serbisë, Aleksander Vuçiq, është takuar në Mynih me Përfaqësuesin e Lartë të BE-së, Josep Borell, me të cilin kanë folur për çështjen e dialogut me Kosovën dhe për punën e dinarit.
Vuçiq ka thënë se pret që të ketë ftesë për takim në Bruksel në ditët e ardhshme dhe se shpreson për një zgjidhje.
“Ne thamë se jemi të gatshëm të marrim pjesë në çdo bisedë, por duam që rezultate të mos priten vetëm nga Serbia dhe asnjëherë asgjë nga Kosova”, tha Vuçiq.
Presidenti serb thotë se “Borell është korrekt dhe se e kupton atë që po ndodh”.
Sipas presidentit serb, Josep Borell s’mund të bëj asgjë pa përkrahje të shteteve anëtare, raporton KosovoOnline.
“Borell është korrekt dhe e kupton se çfarë po ndodh, por ai është i dobët”, ka thënë Vuçiq.
“Borell dhe Lajçak nuk mund të bëjnë asgjë pa mbështetjen e shteteve anëtare”, ka shtuar tutje.
