Kandidati i Lidhjes Demokratike të Kosovës për kryetar të Fushë-Kosovës, Besnik Osmani ka hapur fushatën zgjedhore të dielën.
Ai ka thënë se fushata e tij do të jetë e ndershme dhe e fokusuar në ide konkretet për ndryshim pozitiv.
“Në këtë tubim të parë elektoral, para qytetarëve tanë, prezantova vizionin dhe programin tonë qeverisës – një program që synon zhvillim të qëndrueshëm, mirëqenie për çdo familje dhe një të ardhme më të sigurt për gjeneratat e reja.Gjithashtu, pata kënaqësinë të prezantoj ekipin tonë të kandidatëve, njerëz profesionistë, të përkushtuar dhe të gatshëm të punojnë për interesin e qytetarëve. Fushata jonë do të jetë e hapur, e ndershme dhe e fokusuar në ide konkrete për ndryshim pozitiv”, ka shkruar ai.
