Gjatë një interviste për televizionin serb “Prva”, Vuqiq tha se ka pasur presion të madh ndërkombëtar që të pranojnë edhe anëtarësimin e Kosovës në OKB.
Ai u shpreh se kanë refuzuar këto dy kërkesa, pavarësisht presioneve, të njëjtat nuk janë përfshirë në marrëveshjen e nënshkruar mes atëherë kryeministrit të Kosovës Hashim Thaçi dhe atij serb Ivica Daçiq.
“Unë mund të shkruaj një roman për ato netë. Ata kërkuan që dy të tretat e policëve në veri të Kosovës të jenë shqiptarë dhe të jemi dakord që Kosova të anëtarësohet në OKB”, tha ai duke shtuar se e mori një vendim tjetër krye në vete.
“Më pas ne refuzuam dhe filluan presionet e mëdha, por në fund ata pranuan që marrëveshja e Brukselit duhet të arrihet pa këto dy kushte. Vlerësova se mund të largoheshim nga këto kërkesa. Me gjithë presionet e tyre ishte vlerësimi im racional se mund ta bënim këtë”.
I pari i Serbisë në këtë intervistë tha se Serbia aktualisht është në pozitë shumë të vështirë politike dhe ekonomike, duke shtuar se këtë shqetësim nuk mund ta fshehë, transmeton teve1.info.
