Presidenti i Serbisë, Aleksandar Vuçiq ka thënë se Kosova do të mbetët në Serbi deri në fund të mandatit të tij.
Ai tha se pas tij, çështja e Kosovës do t’i mbetet dikujt tjetër, shkruan teve1.info
”Kosova me gjasë do të mbetet në Serbi gjatë mandatit tim dhe pas kësaj do të jetë çështje e dikujt tjetër. Mendoj se do të duhet të vuajmë shumë, veçanërisht njerëzit tanë në Kosovë”, shkruan nspm.rs.
Vuçiq më tej, ka thënë se vendi i tij do të zbatojë disa pjesë të propozimit evropian për normalizimin e marrëdhënieve me Prishtinën, por jo të gjitha.
”Ua thashë qartë se cilat nuk do t’i pranojmë. Të gjithëve atyre, Emmanuel Macronit, Olaf Scholzit dhe Anthony Blinkenit, në fytyrë. Dhe çfarë mund të thonë ata? Më shohin të vendosur”.
Megjithatë ai pretendon se lidershipi shqiptar, po tregohet i dobët.
Duke folur për bashkëpunimin rajonal, presidenti i Serbisë tha se “Ballkani i hapur” është një ide e shkëlqyer.
“Ne jemi duke bashkëpunuar me shqiptarët dhe maqedonasit, do të doja të ishte edhe Mali i Zi, por ky është vendimi i tyre sovran”, tha Vuçiq.
